ഇനിയും നിനക്കായ്‌....

ക്രിസ്തുവിനുവേണ്ടി ജീവന്‍ ത്യജിച്ചുകൊണ്ടിരിക്കുന്ന പ്രിയ സഹോദരങ്ങളെ,                                മരണത്തിനുമുന്‍പിലുംസത്യവിശ്വസതിനുവേണ്ടിനിലകൊള്ളുന്ന നിങ്ങളുടെ ഈ അര്‍പ്പണ മാനോഭാവത്തിനുമുന്‍പില്‍ ഞാന്‍ ശിരസ്സ്‌നമിക്കുന്നു. നിങ്ങളുടെ ഈ സഹനങ്ങല്‍ക്കുമുന്‍പില്‍ വെറും കാഴ്ചക്കാരനായി മാത്രം നോക്കിനില്‍കുന്ന എന്‍റെ ഈ വാക്കുകള്‍ക്കു കാര്യമാത്ര പ്രസക്തിഒന്നുമില്ല എന്ന് ഞാന്‍ തിരിച്ചറിയുന്നുണ്ട്. എങ്കിലും നിങ്ങളുടെ ഈ ദൃഡവിശ്വസതിനുമുന്‍പില്‍ ഇത്രയുമെങ്കിലും ചെയ്യാന്‍ സാധിച്ചില്ലെങ്കില്‍ ക്രിസ്ത്യാനിആണ് എന്ന് പറയുന്നതിന്‍റെ പ്രസക്തി നഷ്ടമായേക്കുമെന്ന് ഞാന്‍ ഖേദിക്കുന്നു.

         ഇന്ന് സഭക്ക്  നേരിടണ്ടത്  ശാരീരിക സഹനങ്ങളല്ല, മറിച്ച് ആത്മീയ സഹാനങ്ങളാനെന്നു ഞാന്‍കരുതിയിരുന്നു. എന്നാല്‍ ഇന്നു ഞാന്‍ വീണ്ടും തിരിച്ചറിയുന്നു, ക്രിസ്തു ശരീരത്തില്‍ സഹിച്ചതുപോലെ ക്രിസ്ത്യാനികള്‍ ശരീരത്തില്‍ സഹനങ്ങള്‍ ഏറ്റെടുക്കുവാന്‍ വിളിക്കപ്പെട്ടവരാനെന്നു. അവിടെ മക്കളെ നഷ്ടപ്പെടുന്ന മാതാപിതാക്കളുടെ രോധനം ഞങ്ങളുടെ കാതുകളില്‍ പതിക്കുന്നുണ്ട്. പെട്ടന്നൊരുദിവസം അനാധരാകപ്പെട്ടുപോകുന്ന കുഞ്ഞുങ്ങളുടെ വിലാപസ്വരം ഇവിടെ അലയടിക്കുന്നുണ്ട്. ജീവിതപങ്കാളിയെ നഷ്ടപ്പെടുന്നവരുടെ ധൈന്യത ഞങ്ങള്‍ തിരിച്ചറിയുന്നുണ്ട്. എനിക്കറിയാം നിങ്ങളുടെ അവസാന ശ്വാസം നിലയ് ക്കുന്നതുവരെയും നിങ്ങള്‍ ക്രിസ്തുവിനെ മുറുകെ പിടിക്കുന്നുണ്ട്. ഇനി നിങ്ങള്‍ അവിടുത്തെ രാജ്യത്തില്‍ എത്തുമ്പോള്‍ അവിടുന്ന് നിങ്ങളെ വലതുകയ്യില്‍ ചേര്‍ത്തുപിടിച്ചു സ്വാഗതം ചെയ്തുകൊള്ളും.

       നിങ്ങളുടെ മരണം ഒരു പരാജയമായി പലരും കാണുന്നുണ്ടാകാം. അത് അന്ന് കാല്‍വരികുന്നില്‍ ക്രിസ്തുവിന്‍റെ മരണസമയത്തും സംഭവിച്ചിരുന്നു. എന്നാല്‍ മൂന്നാം ദിവസത്തെ അവിടുത്തെ ഉത്ഥാനം സകല ജനങ്ങള്‍ക്കും രക്ഷയായി തീര്‍ന്നു. പ്രിയ സഹോദരങ്ങളെ അനേകം ധീര രക്തസാക്ഷികളുടെ ചുടുനിണമാണ് ക്രിസ്തുവിന്‍റെ ഈ സഭയ്ക്ക് ഊര്‍ജ്ജം നല്‍കിയത്. വിശ്വാസത്തിനുവേണ്ടി നിങ്ങളൊഴുക്കിയ രക്തം വെറുതെയാകില്ല എന്ന് തിരിച്ചരിയുവിന്‍. ക്രിസ്തുവിന്‍റെ ഈ സഭ സ്നേഹിക്കുന്ന സഭയാണ്, സമാധാനം അന്വേഷിക്കുന്ന സഭയാണ്, ധാര്‍മിക മൂല്യങ്ങളും, പ്രാര്‍ഥനാമന്ത്രങ്ങളും ജീവിതഗന്ധിയായി നിലനിര്‍ത്തുന്ന സഭയാണ്. അതുകൊണ്ട് നിങ്ങളുടെ മരണത്തിനും നഷ്ടപ്പെടലുകല്‍ക്കുമുന്പിലും നിങ്ങള്‍ അപരരോടുകാണിക്കുന്ന ഈ സ്നേഹം, ഒരുകരണത്തടിക്കുന്നവന് മറ്റേ കരണവുംകൂടെ കാണിച്ചുകൊടുക്കാന്‍ പറഞ്ഞ ക്രിസ്തുവിന്‍റെ വചനത്തിന്‍റെ ജീവിത സാക്ഷ്യമാണ്.

                       അഭിമാനമുണ്ടെനിക്ക്, ഒരു ക്രിസ്ത്യാനിയായി ജനിക്കാനും ജീവിക്കുവാനും സാധിക്കുന്നല്ലോ എന്നോര്‍ത്ത്. ഈ കത്ത് വായിക്കുന്ന അക്രൈസ്സ്തവരായ സഹോദരന്മാര്‍ ഒരുപക്ഷേ വിചാരിച്ചേക്കാം ഇങ്ങനെ ഒരു കത്തിന്‍റെ  പ്രസക്തി എന്തെന്ന്. ഇത് എന്‍റെ ഉള്ളിലെ ഒരു ക്രിസ്ത്യനിയാനെന്നുള്ള ആത്മാഭിമാനത്തിന്‍റെ പ്രഘോഷണമാണ്. ഇന്ന് വാര്‍ത്തയില്‍ കണ്ട നിലവിളിക്കുന്ന എന്‍റെ  സഹോദരങ്ങളുടെ കണ്ണുനീരിനോടുള്ള എന്‍റെ മനോഭാവമാണ്. കരയുന്ന സഹോദരനോട്കൂടെ കരയുവാനും അവനു ആശ്വാസം നല്‍കുവാനും, അവരുടെ ജീവിതത്തിനു അര്‍ത്ഥമുണ്ടെന്ന് പറഞ്ഞു കൊടുക്കനുമുള്ള എന്‍റെ മനസ്സിന്‍റെ വെമ്പലാണ്‌. അതുപോലെ എന്നോടുതന്നെയുള്ള ഒരു ഓര്‍മ്മപ്പെടുത്തലും; ഒരുപാടു ആളുകള്‍ വിശ്വാസത്തിനു വേണ്ടി ജീവത്യാഗം  ചെയ്യുമ്പോള്‍, ജീവിതത്തിലെ സുഖസൗകര്യങ്ങള്‍ക്ക് നടുവില്‍, സമ്പന്നതക്ക് നടുവില്‍ എന്‍റെ വിശ്വാസത്തിന്‍റെ ആഴം നഷ്ടപ്പെടരുത്. ഒരു മകന് മാതാപിതാക്കളോട് കടമയുല്ള്ളതുപോലെ, ഇനിമുതല്‍ എനിക്ക് ഈ ധീര രക്തസാക്ഷികളോടും കടമയുണ്ട്. ഈ സത്യവിശ്വാസം സംരക്ഷിക്കാനുള്ള കടമ, വിശുദ്ധിയുള്ള ക്രിസ്ത്യാനിയായി ജീവിക്കുവാനുള്ള കടമ. പ്രിയ ധീര സഹോദരങ്ങളെ നിങ്ങള്‍ക്കുവേണ്ടി ഞങ്ങളിതാ ആ ക്രൂശിതരൂപത്തിനുമുന്പില്‍ കരങ്ങള്‍ വിരിച്ചു പ്രാര്‍ഥിക്കുന്നു. നിങ്ങള്‍ സ്വര്‍ഗരാജ്യത്ത് എത്തുമ്പോള്‍ ഞങ്ങളെയും ഓര്‍ക്കേണമേ.